સંવત્સરી એ જૈન ધર્મમાં પર્યુષણનો છેલ્લો દિવસ છે
સંવત્+સરી આ બે શબ્દોનું મિલન થઇ
સંવત્સરી શબ્દ બન્યો છે. સંવત્ એટલે એક વર્ષ અને સરવું એટલે નીકળી જવું,
ઘટી જવું. જીવનમાંથી
આરાધના-સાધના કરવા માટે મળેલા એક મહત્વપૂર્ણ વર્ષની બાદબાકી થયાનો સૂચક
સંવત્સરી શબ્દ છે.સંપૂર્ણ દિવસ પ્રાર્થના અને ક્ષમાયાચના અને પશ્યાતાપમાં વીતાવવામાં
આવે છે. એક વાર્ષિક વિસ્તૃત ક્ષમા વિધી સાંવત્સરીક પ્રતિક્રમણ આ
દિવસે કરવામાં આવે છે. આ પ્રતિક્રમણ બદ સર્વ જૈનો “ મિચ્છામિ દુક્કડં”
બોલીને જાણતા અજાણતા પોતાના દ્વારા પહોંચાડેલા દુ:ખ પીડા આદિની વિશ્વના
સર્વે જીવો પાસે ક્ષમા માંગે છે. એક વિધી તરીકે તેઓ તેમના મિત્રો, સગા, સંબંધી આદિને મિચ્છામિ
દુક્કડં કહે
છે.
